上回就講到我地晚上有幾chill啦！果晚d確我好早十一點前太眼訓訓左，
目的就係想早上睇日出
而我就當然醒到啦，0515彈左起身，行出露台睇日出啦！
我發覺原來身邊格離住戶都起左身睇日出！點知天公不造美，太多雲見唔到舊鹹蛋黃升起。所以就決定汁行李同早d落去食早餐啦！
食過一碗好好味既桂林米粉後，搞埋check out手續我地就同一組外國情侶既住客一齊落山搭車出番市區啦！因為我地前一晚同前台book好左車，0900要落到停車場入口離開龍勝番桂林市區啦！
個對外國既情侶就因為要趕1300左右既飛機，所以司機就車佢地去機場先，而下一站先係市區放底我地。由於行到半路又要等多一位朋友上車又咁岩遇上整路，等左好耐我地架車先可以順利飛出市區！出到去都己經差唔多12點鐘左右啦！
我地就決定去超級市場掃手信同食中午飯，再係市區周圍行下，4點半鐘左右就搭的士去番桂林北站搭高鐵離開番香港啦！
上回就講到我地細遊平安山寨，行左無耐地六點鐘左右打道回府啦！
因為我地同前台約好左2030食飯開飯，所以我地就番酒店沖個靚涼，休息一下就先落去食晚飯啦！雖然城寨出面都有好多餐廳，但始終山區地方外面無街燈，加上夜晚晚路比較難行，所以唔打算搵好野食，直接係酒店食啦！
而前台姐姐同我地介紹都話佢地既食材都係自己種同養既，所以食落去比較鮮甜！但佢又真係講得無錯，唔知係未辛苦左成日行左咁多山路，定係本身佢地煮得好食，我覺得餸菜既味道真係一流，比陽朔食既更好味，而且多左一份住家風味！所以果晚添左好多次飯來，仲全部餸菜食哂，用行動來話比廚師知：
好！好！味！呀！
食過晚飯後，我就決定番上房欣賞夜境之餘，仲選擇左一套電影來睇，拎左壺好好飲既羅漢果茶上房，一路嘆茶一路睇戲來咁來為我桂林之旅既最後一晚畫上完美既句號。
利申：其實平安城寨夜晚有咩做？ 其實除左搵餐廳食飯飲酒之外，佢地有d舞廳既地方來比大家玩既！
我上一篇有打過我地仲有三位澳門既朋友同我地一齊check-in既！其實我偷聽到佢地晚上就去左舞廳睇人地跳民族舞啦，所以佢地晚飯時間比我地早，而好唔好睇？我無睇過就唔知啦！
但好似價錢都唔平架而且放心應該唔會有色情成份既！
有睇過既朋友可以留言話番比我知呀
上回我就講到終於到達我地間令令酒店-壟上，咁我check in完後地䣃下行裝休息左一陣之後，距離晚餐時間仲有少少時間，所以我地決定係城塞周圍行下啦！
首先就搵間餐廳買下小食醫下肚先，坐係餐廳出面望住d梯田景相真係無得輸！
好chill...
食飽飽後我地就出發周圍影相啦！其實平安莊寨有二個靚點可以欣賞梯田既，第一個我地一到步已姐影左既九龍五虎，而第二個就你七星伴月啦，姐係數數埋埋有咁多個小山岳既梯田啦！之後影飽後我地就決定
由城寨頂行番城寨入口停車場，由入口再行番上酒店。
依個活動雖然咁講好似好無聊，但我細心發現到依到好似與世隔絕，但五臟俱全，酒吧，cafe，士多，明信片店，手信店，中餐西餐廳樣樣齊！你再見唔到所有大牌子野，全部都係當地自已開既小店，仲有我仲發現我去既時候好多既屋都裝修緊，雖然我去既時候並非旺季，遊客唔算多，而且仲要以外國人為居多！所以你唔難發現一間又一間酒店，客棧林立，而且英文都可以對答如流tim...
而當地人仲有一個最好既朋友，就係驢仔！因為要搬貨物上山既話，我都見到佢地會搵驢仔幫手，左右綁住一箱又一箱既貨品行上行落山，見到佢地我都覺得好辛苦，真係辛苦哂佢地啦！
話咁快我地咁樣行來行落就準備天黑啦，而我地就係酒店訂左晚餐，我地就決定早點番酒店開飯啦！
