[桂林遊 . 我今晚住的地方叫仙境 . 貳拾壹]

上回我就講到見到梯田美景直頭靚到連粗口都講埋出來，之後個司機有話我地知我地間酒店係邊個位置同埋如果行過格離寨點行。

佢話去格離城寨行得快大約45分鐘左右到，但當然貪心既我當然想行埋過去睇下，但天開始想落雨同埋擔心回程時太黑唔安全，所以我就打消左依個念頭。決定行去平安城寨酒店check-in先，去邊之後再算啦！

其實我既路程係一路向下行，因為司機車左我地去最高點睇九龍五虎先，只要我地向下行就會可以去番平安莊寨既市中心點！簡單來說姐係我地由山頂端位置行落山既中間平地位啦。

經過20分鐘路程後，我地終於到達今晚住既酒店

壟上

咁岩我地仲同一行三個澳門人一齊前後腳到達！所以個酒店姐姐好好人，一見我地到門口就叫我地入去坐底先，整壺令茶比我地飲下休息下先，再慢慢做check in手續。

---

利申：環境服務十分好既客棧！ 今次住既酒店我會比相當高既評價！100滿分我會比90.2587。

因為姐姐好服務好親民，房間相當大之餘仲有個令景望住d梯田，而且感覺相當舒服同乾淨！

唯一失分之處係唔包早餐要我地另外自費。最後個前台姐姐提醒我地入夜後會好涼同埋供電會不足，有可能會跳電！叫我地不要驚訝！

幸好！當晚我地無發生過跳電事件 。

[桂林遊 . OMG!!!係梯田呀！貳拾]

上回就講到大巴司機係平安寨口既山腳下放低我地，而我地咁岩就遇到一個姐姐既順風車，咁我地就可以搭佢架車上平安寨口啦。

沿途中我地有傾有講，原來姐姐係大理人，佢男朋友係湖南人，係深圳讀書認識！可能親住51勞動節小長假期來桂林依到玩！

而個伯伯傾傾下計先知原來唔洗當地人，係旅客一名！而且仲去左好多中國地方旅遊既達人，而個司機先係當地人，所以一路聽佢地講自己人生經驗，好快我地就到我地要去既第一個景點

九龍五虎

我一落車，一望到個景色！嘩！屌！好撚靚呀！真係直頭靚到無語倫比！雖然梯田未完全灌埋水，但一層又一層既田地既莊觀程度，係我人生自出世開始暫時排第二既美景！

（第一位我遲下有機會分享）！

之後當然不停私影同相機食先啦！影完先發覺自己急尿同肚餓！原來望一望電話已經接近三點鐘，最後我地同個對小情侶合照一張，同埋交換埋微信之後！我地就分道揚鑣啦！因為果對小情侶好free，離開前仲諗緊好唔好係山上stay一晚。

---

利申：四季都不同景象的梯田 其實一年四季梯田影出來既景象都好大不同。

就好似我咁四月為例，去到當地岩岩原居民開始灌水入梯田種野，所以影出來既景象就好似反光既天空之鏡咁！當然我去早左少少，未完全灌哂水入田。

夏天去既時候就可以見到原居民開始做野同秧苗開始身長，影到佢地既日常生活同一層層既綠田，而秋天去就稻榖熟左，就會影到一層層既金黃田。

所以想影靚相就要把握好時候去啦！

[桂林遊 . 好心人上！拾玖]

上回講到我地搭車上龍勝有二位姑娘遇上小風波，而同時間都比我知道一d好實用既資料。

之後我一落下就到我遇上小風波啦！

平安莊寨入口

話說架旅遊巴只係山腳下放低左我係依個位，而我係需要再轉車由山下再上山既，但重點係班車係

「佛系接駁車」

緣份到佢先會出現，山下到山上全程3公里既路程曾經有諗過不停問自己用唔用雙腳行上山，但大熱天時再加背後既書包，我卻步左，我就決定企係車站等一等，等一個鐘都無車既，先用最壞打算！

行！上！山！

等左無耐，發覺身後有位伯伯，原來佢都係等上山既朋友！開頭我以為佢係當地人，就問佢幾點有會車上山啦！佢開頭答我45分鐘左右一班既，但唔知有無位上，咁我見有同路人一齊等！好啦！就決定等下啦。

等左無耐，就見到有架私家車經過，停低左，車窗就慢慢落下，見到有個姐姐仔問我地係未上山，佢可以載埋我地一程！

心諗太好啦！世界充滿著愛！

咁我同個伯伯同我朋友一齊上山啦！原來個姐姐係同佢男朋友一齊來旅遊，係龍勝售票處入口既巴士站遇到依位白牌車司機，再去到平安寨寨口就遇到我地同埋伯伯！最後我地就全部人一齊上佢架車！開始上山啦！

---

利申：龍勝風景區=收費入場郊野公園 佢入面有好多山，而佢地地方大到同時都區分左四個寨口出來，簡單來說姐係四條村啦！上集都有講過下，而平安寨口係四個寨口之中最近售票處入口既！所以姐姐佢地就打算行最近既山，而我就因為間酒店令同平而選擇住平安寨口既，而最多人住既就係金坑莊寨，因為果到多梯田同景點之餘，而且仲有條索道（香港簡稱纜車），係四個之中比較開發完善既旅遊區，所以果邊既酒店價格會比較貴。

當然，亦都有人會選擇stay幾日，用自架遊既形式來去完依四個寨口，睇埋佢地所有既景點啦！ 一張門票就可以去哂四個莊寨。