上回就講到我地細遊平安山寨，行左無耐地六點鐘左右打道回府啦！
因為我地同前台約好左2030食飯開飯，所以我地就番酒店沖個靚涼，休息一下就先落去食晚飯啦！雖然城寨出面都有好多餐廳，但始終山區地方外面無街燈，加上夜晚晚路比較難行，所以唔打算搵好野食，直接係酒店食啦！
而前台姐姐同我地介紹都話佢地既食材都係自己種同養既，所以食落去比較鮮甜！但佢又真係講得無錯，唔知係未辛苦左成日行左咁多山路，定係本身佢地煮得好食，我覺得餸菜既味道真係一流，比陽朔食既更好味，而且多左一份住家風味！所以果晚添左好多次飯來，仲全部餸菜食哂，用行動來話比廚師知：
好！好！味！呀！
食過晚飯後，我就決定番上房欣賞夜境之餘，仲選擇左一套電影來睇，拎左壺好好飲既羅漢果茶上房，一路嘆茶一路睇戲來咁來為我桂林之旅既最後一晚畫上完美既句號。
利申：其實平安城寨夜晚有咩做？ 其實除左搵餐廳食飯飲酒之外，佢地有d舞廳既地方來比大家玩既！
我上一篇有打過我地仲有三位澳門既朋友同我地一齊check-in既！其實我偷聽到佢地晚上就去左舞廳睇人地跳民族舞啦，所以佢地晚飯時間比我地早，而好唔好睇？我無睇過就唔知啦！
但好似價錢都唔平架而且放心應該唔會有色情成份既！
有睇過既朋友可以留言話番比我知呀
Comments