上回就講到我到左中國國家3A級既景點聚龍潭到睇鐘乳石，之後我就繼續講解如下既灕江一日遊旅程啦。
接下來遊完聚龍潭後，個團就帶我地去左一間餐廳食午餐，團唔係包埋既，所以入到去我地要自費啦。入面每碟餸份量都多，但價錢對比出面餐廳係貴既而且味道一般般，舉個例一碟例牌既白切雞市區要20蚊人仔，但依間餐廳就收我58蚊人仔，係未相差好遠呢？
所以我地叫左二個餸一個竹筒飯加支大可樂，相都無影拿拿聲食完就上車啦。
之後我地就去XX古寨行啦！點解我一直都打XX？ 唔係我廢時開名唱衰佢地，而係我事後去完打遊記既事候真係唔記得左叫咩名，睇番相完全都搵唔到個名，上網亦都搵唔到有關佢地既資料。
所以對我來講依到只係一個購物站，一入門口就覺得成個村落新落成咁，仲有好多設施都起緊，雖然係令但聞到伏味就慢慢滲出來，而城寨既導遊話自己係原居民，世世代代都住係到，同我地講係當地佢地條村係得到政府支持重建，所以就變成依家咁樣，近年桂林高鐵通車後，多左旅客來桂林玩，所以佢地條村都會揀d模範村民來招呼旅客同介紹一下佢地村既歷史！
佢講係咁講姐，但自問我真係唔多相信啦！
之後呀模範村民就帶我地去佢屋企參觀，話就話參觀屋企，其實就係到sell你買銀器，同不停講銀器有幾好有幾好！雖然過程中講解相當有趣，但可惜小弟一直都無心動想買既感覺，講解完後就帶我地直接去店到選購！當然我就拿拿聲扮睇左一陣就出去拍照私影啦！之後留左太約個半鐘時間我地就上車去今次行程既重頭戲啦！
利申：桂林其實有好多城寨同古鎮行架！ 遊古城寨都係好多旅客到桂林必去既行程之一，而比較多人會去龍潭城寨同侗猴城寨，因為依二個地方仲保留住古式舊城寨既風味，包你影相都可以影足成日！而唔會好似我咁，不知不覺入左個城寨包裝既銀器店！完全浪費哂d時間...
Comments