上回講到我食完啤酒魚後，行番酒店時經過左傳說中既西街。大鄉里一路行一路嘩嘩聲後，行下行下，好快就到我地將會住二晚既旅舍：
陽朔芒果·憶墅
其實依間旅舍距離西街商圈有10分鐘既路程，而且並唔係熱鬧中既市區入面，所以出出入入有少少唔方便，但正因為咁所以個區好寧靜！好似見到另一面既陽朔！
而我點解會選擇依間？係網上見到佢地裝修歐美式風格，客人評分又高，所以就無諗咁多book左先啦！事實上旅舍同相無咩特別大出入既，樓下lobby 私影一流！但唯一唔好既地方就係晚上佢竟然開暖氣！
無錯！係暖氣！暖氣！暖氣！（太重要所以要講三次）
因為我feel到間房愈住愈熱，懷疑佢冷氣壞左，所以就打落去前台問啦！前台話原本佢地4月陽朔晚上都會好涼！擔心客人會冷親！所以佢地既中央冷氣較為暖氣！但較風位係其中一間旅客既房間，太夜唔想打擾人地休息！所以就話如果太熱就熄左部泠氣，開窗訓！
下！心諗:太不可思議吧！
以我認知應該到單位數字以下既溫度先至要暖氣吧，香港人嘆慣大冷氣，所以除左深圳之外！整個桂林之旅總覺得冷氣不夠的....
最後，我都好乖乖咁聽佢話，依二晚都開窗訓，無再打電話到煩住前台佢地，唯有當依二晚排毒！
利申：桂林大勢力 - 芒果幫 由於我發現自己無影房間，所以同唔到大家分享我間房係點！但芒果幫其實係桂林市內係都算大規模既集團，你係出名既景點都會見到有芒果幫既縱影，例如酒吧，糖水鋪，CAFE，即沖手搖飲品店，同埋依間酒店旅舍，全部都係走文青風格為主！來到桂林大家可以去試埋其他喔！
Comments