上回講到我來到陽朔馬上就試下當地所謂世紀大名菜，「啤酒魚」。
食到滿肚腸肥之後...
哥累了，畢竟今日一早由深圳出發，周車勞頓左成日，加上又遇左咁多奇人奇事，我就決定番酒店休息啦！
在百度地圖帶領我地之下，我無意中就經過左傳說中既西街，港朱既我表示眼前見到既景象真係同我想像中一模一樣，人來人往，歌舞昇平，十分熱鬧！中間既湖景色十分令，加上有不定時既噴泉表演！直頭好似走左去中國另一個新角度！難以想像中國依家可以變成咁樣！
加上始終依到都係旅遊熱點，有好多新式建築同文青風格既店林立！完全係食中我既水，但我身後既包包太重，唔方便周圍行，所以就一路嘩嘩聲一路咁行番酒店啦！
西街夜景，當然名不虛傳！真心令！幾辛苦都值得去！
利申：新文創地區 - 「益田西街」
話哂西街都係陽朔自古以來既購物中心地方，我相信好多網友都會介紹一大堆西街既美食同歷史等等，我都唔多再講！但我想講新建成既「益田西街」都好值得大家餘留一點點時間入去行，佢都係西街入面其中一部份，由於係新發展地區，所以比較多文創野睇同私影既影相位玩！有空記得要去行下喔！
Comments