上回我就講左我灕江一日遊既行程你點同埋中伏既位係邊樹啦！而今次我要講既第一站就係
聚龍譚
深信好多人都知道由於桂林係屬於典型喀斯特地貌關係，所以桂林不但有好多小山丘，而且都有好多石灰岩洞！依d岩洞為左吸引遊客觀光，不但為不同形狀既岩石加添名字同故事，更加上五光十色既燈光效果，令話題度大大增加！桂林要數大型同出名既岩洞當然係銀子岩同國賓洞啦！佢地係比較出名多大型鐘乳石同規模較大既景點區。
而我今次去既依個聚龍譚，事前無聽過，更加旅遊書係完全無提過依個地方，再加上琴晚係酒店訓教前又無上網做定功課，所以事前對依個景點冇抱好大嘅期望會好令，而且仲覺得會中伏，入去之前既我係完全比負分依個景點。
但身為港燦未見過世面既我竟然又係睇到嘩嘩聲！
點解呢？
首先經過左售票處後，我地就會去到一個亭叫做「洗塵亭」，其實個導遊有講點解有個亭係到，但當時我就掛住影相，無好細心咁聽佢咩啦！我估大概都係潔淨心靈之類既野啦！
其實計我話潔淨心靈是假，等坐船入洞就真啦！
因為之後各位團友經過亭後就係到等船家泊架船埋來，點解會有船呢？因為我地整個聚龍譚既入口係條河來既，咁我地要坐船經過左河後，先可以開始慢慢步行上洞，觀賞岩石既景色啦！
整體來說會覺得好令好壯觀既，一條又一條鐘乳石尖尖長長，再諗下佢地既形成並非一朝一直嘅時，你就會覺得成件事好amazing...而且再加埋佢地所描述既故事，就會覺得成件事都幾得意！
結果我就唔經唔覺一個鐘左右整個聚龍譚探險就完成啦，之後我地向下一個景點出發！
利申：真心！你問我值唔值得去？ 我覺得咁大個仔未見過鐘乳石！都值得去睇下既！但當然會想去銀子岩多d啦！
因為銀子岩既鐘乳石會比較大同壯觀，相比之下而聚龍潭只算小兒科！
但整個景點最尾我都滿意既:)
Comments