上回講到間旅舍環境同裝修都十分好,只係個暖氣惡頂左少少。
仲惡頂既仲有我地報左既一日遊灕江團!
話說之前我為左貪小便宜慳程車錢去陽朔就報左個一日團遊灕江,點知晚上9點幾左右個旅行社負責人微信提醒我聽早0815係陽朔既加油站等!
E...之前唔係講好左酒店接送,點解變左加油站等!OMG...之後同佢理論左一番,佢開頭話架旅遊巴開唔到入旅舍門口,之後再講多幾講直頭話無講過酒店接我地!又話走路好近,叫我地行過去等領隊!成件羅生門事件就咁發生左啦!真係好想大叫一句
wt the fuck!!
之後我立即百度睇過地圖旅舍距離加油路途行路都要成30分鐘。之後我就堅定自己既立場,同佢微信嘈左一論後,負責人態度企硬,其實都米已成炊,團費又比左,我地可以做既只可選擇繼續參團定唔參團....
第二日早上,最後我都乖乖地係旅舍食過早餐後,叫reception幫我call車去加油站等我地個領隊!我就好無奈咁開始依個灕江一日遊啦!
利申:免費的call車服務 旅舍個receiption姐姐好好人呀!我食早餐前講左依件事比佢聽,立即幫我地搵司機送我地去加油站同叫人快整早餐比我地食!而且仲唔收個程車錢!是人間有愛呀!少少既熱心幫忙我一值都有記在心中,令我既旅程增加一點奇妙!謝謝你們!
Comments