上回講到我去左個唔出名XX城寨，擺明就掛羊頭賣狗肉，以城寨之名賣銀器為實。
去完依d地方探險之後，咁我地團既車就開往興坪
遊灕江啦！
咁我地就選擇坐竹筏遊江，一架竹筏可以坐4個人。竹筏既路線係比較短，但勝在人少少可以鐘意點就點同埋離海水比較近，比較親近大自然同刺激d！
而當我坐上船後，莫名興奮既感覺立即沖出來，終於遊覽到最著名既桂林山水景色，我部手機同相機完全機不離手，只係想完汁完味咁拍攝我坐竹筏時所見到既每一個景象！真係好令而且好感動！
感動既係覺得站在山腳下，人真係好渺小，大自然真係好偉大，佢有時好似天使咁，創造一D美景比人類，同時間佢都係魔鬼，用佢既威力摧滅人類所建造既一切。所以更加要學習如何保護環境，與大自然好好相處。
唔講咁多，用照片說明一切吧！
利申：灕江小智識 整條灕江全長83公里！由桂林上船到興坪落船全長大約4.5小時，遊灕江當然分段收費啦！路程愈長收費當然愈貴。
而基本上遊灕江除左坐竹筏外，坐遊輪都係一個唔錯既選擇！遊輪有平有貴，貴起上來可以去到一千蚊人仔不！豪起上來可以係船上一路食自助餐一路睇景都得！亦都有平價既，但當然服務就無咁好啦！而遊輪既好處係路程比竹筏長好多！同埋比較安全，所以岩小朋友同一大班老老！
要注意既係遊輪遊灕江只係得one-way!!唔會有桂林興坪，興坪桂林既來回程架！一來水流問題！二來就係時間問題啦！
Comments