上回講到我千辛萬苦終於來到陽朔，而當地有一個所謂既當地名菜！
「啤酒魚」
當地人話依道菜係陽朔必食名菜，有一間直頭出名到連大陸CCTV都爭相報導同採訪，但有些網民就話其實只係近年冒起既菜色，好多遊客黎到陽朔都鐘意食既菜色，見加上有電視宣傳加持，所以好多店家都有煮依味菜來賺錢。
BTW，是真名菜定假名菜都好，真確十間店有九間都有賣依道菜，而且間間都話自己遠近馳名，風頭直迫香港既雲吞麵呀！
所以我走進陽朔既第一餐，都忍唔住，搵番間裝修令令仔仔既，點番鍋啤酒魚來試下，而依間既特別之處就係 一 係你面前煮比你睇啦！
睇完表演後，食落去既結果就係好似香港既豉椒炆魚，可能小弟味覺比一般大陸同胞差，只食到豆豉同青椒既香味，食唔出有任何啤酒味，而且亦都感受唔到啤酒同魚crossover帶來既驚世之舉，似乎有點名大於實既感覺....
但都當入鄉隨俗，試下伏唔伏！
Comments