上回講到我避過左一群白牌車黨，成功坐99號巴士去桂林市區
經過一位好心的伯伯提點落車後，眼前就係桂林市區巴士轉車站
一落車就聽到有人叫
「20塊去陽朔！立即有車！」
因為網上既人都話由桂林市區去陽朔要50蚊人仔左右，但貪心既我一聽到比原本平左30蚊咁多 加上一落車就落住大雨又唔想周圍搵
所以最後決定幫襯個叔叔啦，我開頭以為佢就帶我地去上車
點知行左九曲十三彎之後
原來條友係當地旅行社既職員！
佢帶左我地入去舖頭坐，一坐底入面有二個女人
就開始問我地之後既行程會點，有無興趣打算JOIN佢地既一日團！?
心諗：仆街啦！我一出火車站已經辛苦地避過一劫
點知來到市區車站都仲有依D人劏我地D窮L旅客
但之後佢地見我有想走既意慾，個叔叔就講左一句 「如果你們報我的團，你們現在去陽朔的車資免費！」
心諗：「好抵呀！咁就差唔多」 原先我都諗住去到陽朔住既酒店先報佢地搞既Local tour ，但一見到佢地出咁大誠意
咁我就開始聽佢地介紹同講左我想去既地方，最後左傾右傾，我都報左佢地一日團！
誠惠265蚊人仔！
明早會係酒店樓下接我地！而佢都真係FREE左程去陽朔班車比我地！但就不是說好的立即開，而是等齊人坐得7788先開車，結果等左足足有45分鐘，加上佢又開下停下，周圍上落客，結果原本一個鐘左右既車程，最後用左3個多小時，我地傍晚終於到了陽朔。
中國人做生意真係無奇不有，真係嬲佢唔落！又唔可以話佢岩哂，唯有當上寶貴既一課！
利申：人少少遊灕江還是JOIN LOCAL TOUR比較好
其實我既行程其中一日就係諗住遊灕江，而遊客去灕江多數都係報當地旅行社！一來跟團比較平，二來地方比較偏遠，旅遊車接送會方便好多！當然如果係一大班朋友諗住去遊灕江既話，租車自架遊係一個唔錯選擇，除左更free之外，但慳番好多錢tim ！
Comments